ناصیر بخشینین دیزاین دوورلَرینین بیرقیسمتی اولان تقدیم اولونان اَثرلر تز- تز سیمگَلَرین ایستَنیلن دَرَجسینین پارچالانماسینا و رسّامین اَطرافینداکی گؤرسَل یادداشدان فُرمالاشان َدییشمزلیک و ثابیتلیین پارچالانماسینا دایانیر,اونو فیزیکی و قاوراملی(کونِسپتوال)اولاراق ایزلَمک اولار. رسّامین یاشام جغرافیاسینین دییشمه قارشیتلارینی موشاهیده اِئدن فاصیله لر و بو دیزاینلارین بوجاغیندان یانسیماسی هم قید اْولونان مسله لری آراشدیرماق اوچون قاچیشدیر,هم ده سَنَتکارین توپلوم(کو ِلئکتیو) یادداشدان قالان ِشیلَر و یازیلارین گورسَل یادداشیندان ایلهام آلدیغینین شاهیدی اولونور.
رسّام کهنه قورودولموش چیچکلَرین آلبوملاریندان و ِگریده قالان اِئلمنت و اَشیالاردان ایبارت آلبوملاردان ایستیفاده اِئدَرَک,اونلاری توپلو(کو ِلئکتیو)یادداشین عیانی پارچالار ایله بیرلَشدیرَرَک,یِئنیدن اوخوماغا و اونون کئچمیشینی و ایندیسینی آنلاماغا چالیشیر کی رسّامین جغرافیاسینین اینسانلاری اوزلَری اوچون دوزلتمیشدیلَر.
بو دیزاینلار اؤز یئرینده موستقیل اَثرلَر حساب اِئدیلسه ده,رسّامین رسملَرینه,قوتولارینا,یاپیلارینا,اؤز دیزاینلارینا و اِتودلَرینه بیر اؤنجلیکدیر,کی نومونَلَرین بو سالن دا گؤرمَک اولار .